ግዙፉ የዳንጎቴ ነዳጅ ማጣሪያ ፋብሪካ ለመጀመሪያ ጊዜ ቤንዚን ወደ አሜሪካ መላኩ ተሰምቷል፡፡ ይህም የአፍሪካ ትልቁ የነዳጅ ማጣሪያ ፋብሪካ፣ ምርቱን በዓለማ አቀፍ ደረጃ ለማቅረብ ዝግጁነቱን የሚያሳይ ነው ተብሏል፡፡ በዚህ ሳምንት ከናይጄሪያ 320,000 በርሜል ነዳጅ የጫነች መርከብ ኒው ጀርሲ በሚገኘው የሱኖኮ ተርሚናል የደረሰች ሲሆን፤ በዚህም የዳንጎቴ የነዳጅ ምርት ጥብቅ የሆኑትን የአሜሪካ የጥራት ደረጃዎች እንደሚያሟላ ተረጋግጧል። ይሄ ብቻ ግን አይደለም፡፡ ሁለት ተጨማሪ ነዳጅ የጫኑ መርከቦች ወደ ሼል እና ቪቶል በመጓዝ ላይ መሆናቸውም ተጠቁሟል፡፡ ይህም ከፍተኛ ዓለማቀፍ ተፈላጊነትን ጠቋሚ ነው ተብሏል፡፡ 19 ቢሊዮን ዶላር የሚገመተው የዳንጎቴ የነዳጅ ማጣሪያ ፋብሪካ፤ በቀን 650,000 በርሜል የማምረት አቅም እንዳለው ይታወቃል፡፡ ናይጄሪያ በዚህም ከነዳጅ አስመጪነት ወደ ላኪ